Ez dut lekurik industrian…
Industriak ez du lekurik Alkimian…
Argia agonian,
iluna armonian,
hau da pasioa denbora guztian
eta puntu beltz bat zuen eguzkian.
Ez naiz eliteko horien epizentro libre nahi dudana egiteko,
nere gerizpeko kantak erditzeko nahiago dut izan hitzeko.
Hazia goizegi landatu genuen eta gero berandu zen biltzeko.
Zerotik hasteko beranduegi da baina oino goizegi hiltzeko.
Beraz eman dut eman ta jaso, zintzotasuna izan dut arazo,
paso egiten badakit akaso, ez naiz bihar hilko ez nintzen sortu atzo.
Ez dakit nahi gabe nahita… ai !
Airean dabiltza hamaika xai,
zurekin nahi nauzu agian bai,
zuretzat nahi nauzu, ez zaitut nahi !
Usai berak ez ote ditu jeiki ?
Bisai berak ikusten ditut beti…
Aditu ditut hamaika olerki, batzuk isilik baleude hobeki.
Paretak haustera etorri gira guri ez zaigu aterik ideki.
Ez ! Ez dugu lekurik zuen industrian…
Ez ! Industriak ez du lekurik Alkimian…
Argia agonian,
iluna armonian,
hau da pasioa denbora guztian
eta puntu beltz bat zuen eguzkian.
Ikusten ditut tratuak adosten, lagunak eta bisitak erosten…
Daukazun abailak nun ditu abantailak errex da atzean egoten.
Ene errima sailak ez dira hain zailak baina ez dira sartzen Tik Token.
Beste baterako zuen erako batzuk datozenerako,
musika ez zait begitik sartzen sosa ez zait belarritik aterako.
Txeke eta bilete horiez ez naiz bete, maiz lagunen hitza izan dut aterpe.
Bestea epaitzea ez balego hain merke herri hau aspaldi pobrea liteke.
Inguruan zenbat putre… Banan bana botako nituzke.
Zergatik hemen inork ez du deus erraten asko pentsatzen badute ?
Anitzek erran eta bati begira, zuk nigan ez proiektatu desira.
Iritsi gira ertzetik erdira nerean mitoak aspaldi hil dira.
Hau da rapa lur azpiko zola
Hau da taka zango artetik gola
Lehen nola nehola ezin zenez hola besteen usteak bost axola,
zuenean ikasle txarrak ginen eta eraiki dugu gure eskola.