Ez nabil besteen lorratzetik nor dabil hor atzetik ?
Dastatu dut ketik, ez orratzetik.
Botatzetik partitzen da ez agenda jokatzetik
ezin da heldu tontorrera pasa gabe lokatzetik.
Ni miserian nabil erdian…
Nigan ez dut inoiz sinetsi zugan ere ez aspaldian.
Zaharra berrian nere neurrian
808 bat naiz tronpeten herrian.
Ze interes, ze banatze, ala gabiltza halaxe…
Uste zenuen libre zinela ala ze ?
Hitzak bitan, errimak lautan, mozten ditut dinA4tan
Itxi bi begiak gautan eta erran beltzak grisa daukan.
Ez da lur lauean surik,
ez erran ez duzunik gauean dudik
Luzean xutik baina trukean tutik,
lur ahantzitik heldu gira ez lur antzutik.
Erran zer duten, erran zer duten…
ulertzen ez nautenek badakite erantzuten.
Erran zer duten, erran zer duten…
Ulertzen nauten herrian ez da musika hau entzuten.
Denbora behar da loratzeko, ezina ahoratzeko,
egina baloratzeko, mina alboratzeko…
Jakina ez da berdina orain dudana kontatzeko
eta pasa zait adina ez naizenera jolasteko.
Ez dut asmatzen dramarik
Mingaina ez den labanik ba al da hemen daramanik ?
Ez Evarik, ez Adamik…
Hau ez genuen guk sortu baina honetan sortzen denbora daramat nik.
Xuriz janzten banaiz bitxi…
Zer nahi da lehenbizi etsai baten ihizi bat behar dute bizitzeko
bestela ez dira fitxik
Lasai ez zite izi, soilik nahi nuke bizi.
Ta beldurrez tira
erori naiz muturrez gibelera begira
nik daukadan apurrez jokatzen dut partida.
Jantzi nahi dute urrez ta plastikozkoak dira.