Erraten didate segitzeko
Erraten diet ez daudela zai
Erraten didate gelditzeko
Erraten diet ez naizela gai
Erraten didate isiltzeko
Erraten diet ez dudala nahi
Ez dudala nahi…
Zer da aisia, zer da lana ? zer dakarrena, daramana ?
Nun hasten da oraina eta nun bukatzen da iragana ?
Banan bana kontatu banitu ez nukeen erditu daukadana.
Nagusiak agintzen du hemen baina astoak eramaten du zama.
Zer naiz zero edo artista malabarista ero
egunero bizi dena erdizka pista baten esperon.
Bista galtzeko prest klixkan egia ikusi ezkero,
aldizka potea ordaintzen bukatzen duena galtzen atera ta gero.
Astean ez dakit zenbat zehazki lanean aritu naizen egiazki
jada 24ak ez ziren aski, nik denda idekia zazpitik zazpi.
Goiz eta arrasti ez dira arras bi,
Pole enploik erran dit hola dela naski : 900€ ez direla gaizki !
Erraten didate segitzeko
Erraten diet ez daudela zai
Erraten didate gelditzeko
Erraten diet ez naizela gai
Erraten didate isiltzeko
Erraten diet ez dudala nahi
Ez dudala nahi…
Aldaera al da bera? Hau da kontzientzien aldagela.
Akabera maldan behera beti erdigunea bada bera.
Marketin panpin izan nadin ni ere ezin plegatu arauera
eta artea erosi nahi dute gordin saltzen duenaren arabera
Klase erdi hori ze klase ote da ? Kondenatua amets faltsu batera,
behin sartu eta ezin da atera ongi etorriak prekarietatera.
Ikusten ditut progreak exak ordeak bilete gordeak…
Gure kultura aberatsa da eta kulturgileak pobreak.
Nere kritika dator justiziz eta karrika bete poliziz
beti korrika ezin iritsiz nabil apika besteen iritziz.
Berdin orrika logika bitxiz eta neurrika errima bixiz
Zuen etika erdizka itxiz, herrika unea biziz.
Erraten didate segitzeko
Erraten diet ez daudela zai
Erraten didate gelditzeko
Erraten diet ez naizela gai
Erraten didate isiltzeko
Erraten diet ez dudala nahi
Ez dudala nahi…